7-ആം അധ്യായം - ബൈബിൾ അടിസ്ഥാനങ്ങൾ

ഈ അധ്യായം ഡൗൺലോഡ് ചെയ്യൂ

https://drive.google.com/file/d/1GVkZYnFG8ED-eg9LbnF6q5k5F9TfII-6/view?usp=sharing

ഉത്സവങ്ങൾ- ദൈവത്തിന്റെ നിയമിത സമയങ്ങൾ

1) ശബ്ബത്ത് (ലേവ്യപുസ്തകം 23:3)- വിശുദ്ധ സമ്മേളന ദിനം, വിശ്രമ ദിനം. യേശു നമ്മുടെ ശബ്ബത്ത് വിശ്രമമാണ് (മത്തായി 11:28)

2) പെസഹയും പുളിപ്പില്ലാത്ത അപ്പത്തിന്റെ പെരുന്നാളും– (ലേവ്യപുസ്തകം 23:5, 6) – നമ്മുടെ പാപങ്ങൾക്കുവേണ്ടി രക്തം ചൊരിയപ്പെട്ട യേശുക്രിസ്തു നമ്മുടെ പെസഹാ കുഞ്ഞാടാണ് (1 കൊരിന്ത്യർ 5:7). ഇസ്രായേലിനെ മിസ്രയിമിലെ അടിമത്തത്തിൽ നിന്ന് മോചിപ്പിച്ച ആദ്യത്തെ പെസഹാ എന്ന നിലയിൽ, നമ്മുടെ പെസഹാ കുഞ്ഞാടായ ക്രിസ്തു പാപത്തിന്റെ അടിമത്തത്തിൽ നിന്ന് നമ്മെ വിടുവിക്കുന്നു. പുളിപ്പില്ലാത്ത അപ്പത്തിന്റെ പെരുന്നാൾ മിശിഹായുടെ പാപരഹിതമായ ജീവിതത്തിലേക്ക് വിരൽ ചൂണ്ടുന്നു. യഹൂദ മത കലണ്ടറിന്റെ ഒന്നാം മാസമായ ആവിവ്/നീസാൻ (മാർച്ച്-ഏപ്രിൽ) മാസത്തിലെ 14-ാം ദിവസത്തിലാണ് പെസഹാ ആഘോഷിക്കുന്നത്. പുളിപ്പില്ലാത്ത അപ്പത്തിന്റെ പെരുന്നാൾ ഒന്നാം മാസത്തിലെ 15-ാം തീയതി ആരംഭിച്ച് 7 ദിവസം നീണ്ടുനിൽക്കും.

3) ആദ്യഫലങ്ങൾ (ലേവ്യപുസ്തകം 23:10) – നീതിമാന്മാരുടെ ആദ്യഫലങ്ങളായി യേശുക്രിസ്തുവിന്റെ പുനരുത്ഥാനത്തിലേക്ക് വിരൽ ചൂണ്ടുന്നു. കനാനിൽ, ഇസ്രായേല്യർ തങ്ങളുടെ വിളവെടുപ്പ് നടത്തുമ്പോൾ, അവർ വിളവെടുത്ത ആദ്യധാന്യത്തിന്റെ ഒരു കറ്റ പുരോഹിതന്റെ അടുക്കൽ കൊണ്ടുവരണമായിരുന്നു.

നീസാൻ- വസന്തകാലം (പിന്നീടുള്ള മഴ) – ബാർലിയുടെയും ചണത്തിന്റെയും വിളവെടുപ്പ്. ആദാമിന്റെയും ഹവ്വായുടെയും സൃഷ്ടിയുടെ പരമ്പരാഗത വാർഷികം.

4) ആഴ്ചകൾ അല്ലെങ്കിൽ പെന്തക്കോസ്ത് (കൊയ്ത്തു) (ലേവ്യപുസ്തകം 23:16) – പുളിപ്പില്ലാത്ത അപ്പത്തിന്റെ പെരുന്നാൾ ആരംഭിച്ച് അമ്പത് ദിവസങ്ങൾക്ക് ശേഷം ഇത് ആഘോഷിക്കുന്നു. പെന്തക്കോസ്തിൽ പരിശുദ്ധാത്മാവിന്റെ ഒഴുക്കിനെയും സഭാ യുഗത്തിലെ ആത്മാക്കളുടെ വലിയ വിളവെടുപ്പിനെയും ഇത് സൂചിപ്പിക്കുന്നു. ഈ പെരുന്നാൾ സിവാൻ മാസത്തിൽ (മെയ്-ജൂൺ) ആഘോഷിക്കുന്നു. (സിവാൻ- ഗോതമ്പ് വിളവെടുപ്പ്.)

5) കാഹളം (ലേവ്യപുസ്തകം 23:24) – ശരത്കാല വിരുന്നുകളുടെ ആദ്യത്തേത്. യേശു മേഘങ്ങളിൽ പ്രത്യക്ഷപ്പെടുന്ന സഭയുടെ ഉൽപ്രാപനത്തിലേക് ഇത് വിരൽ ചൂണ്ടുന്നു. ഉച്ചത്തിലുള്ള കാഹളം മുഴക്കലുമായി റാപ്ച്ചർ ബന്ധപ്പെട്ടിരിക്കുന്നു (1 തെസ്സലൊനീക്യർ 4:13-18, 1 കൊരിന്ത്യർ 15:52). ഈ പെരുന്നാൾ 7-ാം മാസത്തിലെ (ഏഥാനിം/തിഷ്രി) ഒന്നാം ദിവസത്തിലാണ് (സെപ്റ്റംബർ-ഒക്ടോബർ).

റോഷ് ഹഷാനാ (യോം തെരുവാ) ജൂത സിവിൽ പുതുവത്സരമാണ്. 7-ാം മാസത്തിലെ ഒന്നാം ദിവസം.

ഏഥാനിം/തിഷ്രി- ശരത്കാലം (ആദ്യമഴ) – ഉഴവ്

6) പാപപരിഹാര ദിനം (യോം കിപ്പൂർ) (ശബ്ബത്തുകളുടെ ശബ്ബത്ത്) (ലേവ്യപുസ്തകം 23:27) – ഇത് യേശുക്രിസ്തു ഭൂമിയിലേക്ക് മടങ്ങിവരുന്ന രണ്ടാം വരവിന്റെ ദിവസത്തിലേക്ക് വിരൽ ചൂണ്ടുന്നു. അത് യഹൂദ ശേഷിപ്പിനുള്ള പാപപരിഹാര ദിവസമായിരിക്കും. ഏഴാം മാസത്തിലെ 10-ാം ദിവസത്തിലാണ് ഇത് ആഘോഷിക്കുന്നദ്.

7) കൂടാരങ്ങൾ (ശേഖരണം) (സുക്കോത്ത്) (ലേവ്യപുസ്തകം 23:34) – ലോകം മുഴുവൻ ഭരിക്കാൻ അവൻ മടങ്ങിവരുമ്പോൾ തന്റെ ജനത്തോടൊപ്പം വീണ്ടും “കൂടാരം” സ്ഥാപിക്കുമെന്ന കർത്താവിന്റെ വാഗ്ദാനത്തിലേക്ക് ഈ പെരുന്നാൾ വിരൽ ചൂണ്ടുന്നു. ഇത് 7-ാം മാസം 15-ാം തീയതി ആരംഭിച്ച് 7 ദിവസം നീണ്ടുനിൽക്കും. 1-ഉം 8-ഉം ദിവസങ്ങൾ ശബ്ബത്ത് വിശ്രമങ്ങളാണ്. ഇസ്രായേല്യർ 7 ദിവസത്തേക്ക് ഈന്തപ്പനകളുടെയും വില്ലോ മരങ്ങളുടെയും ശാഖകൾ കൊണ്ട് നിർമ്മിച്ച താൽക്കാലിക കൂടാരങ്ങളിൽ താമസിക്കണമായിരുന്നു. ദൈവം അവരെ മിസ്രയിമിൽ നിന്ന് കൊണ്ടുവന്നപ്പോൾ ഇസ്രായേല്യർ താൽക്കാലിക കൂടാരങ്ങളിലാണ് താമസിച്ചിരുന്നതെന്ന് അവരുടെ പിൻഗാമികൾ അറിയാൻ വേണ്ടിയായിരുന്നു ഇത്.

പെസഹാ, പുളിപ്പില്ലാത്ത അപ്പം, ആദ്യഫലങ്ങൾ, ആഴ്ചകൾ എന്നിവയുടെ പെരുന്നാളുകൾ പുതിയ നിയമത്തിൽ യേശുക്രിസ്തു ഇതിനകം നിറവേറ്റിയിട്ടുണ്ട്. ശരത്കാല പെരുന്നാളുകൾ ഇതുവരെ പൂർത്തിയായിട്ടില്ല; അവ യേശുക്രിസ്തുവിന്റെ തിരിച്ചുവരവിൽ പൂർത്തീകരിക്കപ്പെടും.

മറ്റ് യഹൂദ പെരുന്നാളുകൾ/വിശുദ്ധ ദിനങ്ങൾ അല്ലെങ്കിൽ വർഷങ്ങൾ

1) ഹന്നുക/സമർപ്പണം (വെളിച്ചങ്ങളുടെ ഉത്സവം) – കിസ്ലേവ് മാസത്തിൽ (നവംബർ-ഡിസംബർ). സെലൂസിഡ് സാമ്രാജ്യത്തിനെതിരായ മക്കാബിയൻ കലാപത്തിന്റെ സമയത്ത് (ബി.സി. 165) ജറുസലേമിലെ രണ്ടാമത്തെ ആലയത്തിന്ടെ പുനഃസമർപ്പണത്തെ ഇത് അനുസ്മരിക്കുന്നു. 8 പകലും രാത്രിയും ആഘോഷിക്കുന്നു. യോഹന്നാൻ 10:22-ൽ പരാമർശിച്ചിരിക്കുന്നു.

കിസ്ലേവ്- ശീതകാല മഴ ആരംഭിക്കുന്നു

2) പൂരിം– ആദാർ മാസത്തിൽ (ഫെബ്രുവരി-മാർച്ച്)- മൊർദ്ദെഖായിയെയും എസ്ഥേറിനെയും എല്ലാ ജൂതന്മാരെയും കൊല്ലാൻ പദ്ധതിയിട്ട ഹാമാനിൽ നിന്ന് യഹൂദ ജനതയെ രക്ഷിച്ചതിന്റെ ഓർമ്മയാണിത്.

3) ശബ്ബത്ത് വർഷം (ലേവ്യപുസ്തകം 25:1-7) – 7-ാം വർഷം – വിശ്രമ വർഷം; തരിശുനിലങ്ങൾ

4) ജൂബിലി വർഷം (ലേവ്യപുസ്തകം 25:8-55) – 50-ാം വർഷം – കടങ്ങൾ റദ്ദാക്കി, അടിമകളെ മോചിപ്പിച്ചു, ഭൂമി യഥാർത്ഥ കുടുംബ ഉടമകൾക്ക് തിരികെ നൽകി.